interview實況 (I)

5/10/2013

依一日,上晝及下晝都有INTERVIEW.

早上11點in 一間村校,我依間諗住成功機會好大,因依間話會收大b,我起初希望有依間當做水泡,點知in得劇差.

interview前一晚,朗朗夜一夜都唔訓,搞到十二點幾先訓,所以interview果朝,佢唔願起身.去到學校,目無表情,依間係group in,三個小朋友及家長及老師一張檯,檯上好多玩具,小朋友一路玩玩具,老師一路問小朋友同家長問題.玩具唔啱朗朗玩,只得書,積木,煮飯仔,佢掂了幾下,已經想起身走人,我地拉佢番黎,老師問佢野,佢唔show人,然後繼續想逃走,更加衝去門口想離開,我好無奈,老師見到咁,已經無同我傾計了,只同另外兩個小朋友傾.

面試完,已經知衰硬了.有啲唔開心,因為朗朗坐唔定,無諗過佢會想逃走..

下午3:30我地in第二間學校,依間沙田區都幾出名,係國際學校..

朝早in完,我地即刻番屋企俾朗朗訓,果然一訓落床佢即訓著,訓醒食飽肚即刻去學校interview,依間超多人in,我地等左成個鐘先有得in,interview係單對單,訓醒覺的朗朗,果然精神哂,坐喺老師對面,老師首先問朗朗叫咩名,雖然朗朗無講自己叫朗朗,但指住老師手上application from上自己張相.然後老師攞波波出黎,問朗朗要唔要,佢話要,老師俾波波朗朗,我地叫朗朗講謝謝,朗朗講謝謝,然後老師分別叫佢俾波波媽媽,爸爸,老師,朗朗肯做。之後俾車車,老師問朗朗係咩黎,朗朗嗌車車,然後問朗朗點玩車車,朗朗將車推前推後。然後老師攞了本書,書中有橙及蘋果,問朗朗係咩黎,朗朗唔肯講,老師問係未用口食,叫朗朗指個口,佢唔指,朗朗爸爸叫朗朗用口鍚佢,朗朗鍚了爸爸一啖。老師攞了一個大波及一個細波,問朗朗邊個大波,朗朗攞中左。最後俾積木叫朗朗疊高,朗朗曡高高,跟住朗朗路玩老師一路問我問題,問我仲咩揀依間學校,朗朗平時有無同小朋友玩,有無聽學校講座,覺得個講坐點,有無去open day,然後叫朗朗收拾積木,最後送禮物俾朗朗,朗朗在講謝謝,然後同老師byebye。全程朗朗勁好笑容,雖然說話唔多,只係不斷講要,謝謝,車車,波波,同埋拍手,指令亦唔係做哂,但我地都覺得好開心,因為阿仔完成個interview,我真係俾10個叻佢.