interview實況(III)

19/10/2013

第4個interview,係一間中規中矩既基督教學校.

安排朝早9:15,見到interview時間,已經知死硬.朗朗點起到身.朗朗爸爸又要番工,得我一個,果然朗朗唔肯起身,佢半睡下食了支奶,我幫佢換片換衫,然後抱佢落樓下搭的士.

去到佢仲吽下吽下.入到學校warm up了一陣,9:20分左右就有得in,課室分別有幾張檯仔,4個小朋友及家長一個課室,一名老師對住小朋友及家長,老師叫我由朗朗任玩檯上的玩具,雖然啲玩具係朗朗平時玩開的,但佢伙精神,老師叫我好似平時咁同佢玩,引下佢講野,朗朗對住佢最愛既車車,佢都唔叫車車,我問佢要唔要車車,玩唔玩車車,佢都唔答我,我只有陪佢玩車,然後直接同老師講佢好眼訓,老師無迫朗朗野,只叫朗朗推車仔及攞了個水杯同佢飲杯,玩了5分鐘都無,又無咩問我問題,就話interview完,俾了小禮物朗朗,朗朗講了謝謝同俾左個goodbye kiss 老師就完成.我係全課室最快完成interview,所以都諗住衰硬.