interview實況(II)

12/10/2013

第3個interview,係一間機構式既學校,標榜happy learnin&課程淺.所以係我心水之一.但好多人報.

11:00 interview,朗朗爸爸要番工,自己同朗朗去,朗朗早一晚好早訓,所以依朝自己一早起身.去到同樣好多人排隊等interview..

入到課室,有8個小朋友&家長,2位老師,小朋友可各自去唔同檯玩玩具,等老師黎問問題,玩了十五分鐘,終於到我地.老師同朗朗hi,朗朗同佢揮手,問佢同邊個黎,佢無答媽媽,但指住我.老師要佢做配對,分別牛對奶,雞對蛋,狗對骨頭,羊對羊毛,朗朗出奇地亂打亂撞下配對啱哂.老師攞本書出黎,叫佢指太陽,我半推半提下,朗朗指住太陽,然後書中有個男仔用叉食野,問朗朗係咩黎,朗朗唔識答,老師問佢鐘意食咩,佢指書中的腸仔.老師攞了個玩具蘋果及刀出黎,叫佢切,朗朗切開左,老師叫佢一半俾媽媽一半自己食,朗朗做到.老師在俾個啤啤熊公仔,叫朗朗同佢握手,朗朗握手後,老師叫佢指公仔的眼耳口鼻,朗朗肯做.最後老師俾貼紙朗朗,朗朗講謝謝同byebye.

可能今次係第3次interview,加上同行有幾位相熟媽媽,所以無上星期interview 時咁驚.同埋覺得朗朗已經好叻,雖然無答哂問題及做哂指令,但完成整個interview,我已經好滿足。